Sedili smo za trpezom. Taman smo bili dobota vecerali i uz to zazvoni telefon. Mala se ondma pikla i pocela vikat: "Ja cu , ja cu!" To je njoj posebno draga aktivnost i djecji doprinos pogotovo ako je na pijatu vise zelenja nego sto je  pijaza.
"Halo..., Ava speaking..."- rece Mala u slusalicu. Meni to ni bas drago jer bi voli da vise govori Hrvaski, a opet 'ko zna ko zove, pa nebi bilo lipo da ti doticni promisli kako su ga spojili tamo digo prikooceanski. Mali se je isto tako poce okrecat i uzbalavat na katridi i usput razvlaci onu gomu sto dici pomaze dok jin restu zubi. U cilon ton iznenadnon susuru poradi telefona doslo mi je napamet da paramao ki "Simsonsi."
"Tata za tebe je"- rece opet moja Mala, ovi put na ocevinskom jeziku ( jerbo jon se mater rodila u Australiji ).